6 janvier 2011
4
06
/01
/janvier
/2011
00:15
كفيتة بقري قومتها بالبصلةمشلظة والعطرية والمعدنوس+كتشب+طونة+خبز بانيني+جبن شرائح( الخاص بالسندويتش)+مايونيز
بطاطا فريت عملتها فبلاستيك ملحتها وضفت لها شوية طحميرة وشوية دقيق ورجيتها مزيان حتى شفتها تخلطات مزيان وعملتها تقلى في حمام زيتي سخون وحطيتها تستقطر الفائض دالزيت في ورق غدائي
الكفتة عملتها اصابع عراض وطيبتها فمقلة ناشفة حيث كطلق الادام ديالها مبغيتش ندير معها زيت او زبدة اكتفيت بالماء ديالها وليدام اللى كينزل منها..حمرتها على 2 جهات وعرفتها طابت.دابا مبقى لي غي نعمر البانيني ديالي
حليت الخبز دهنته بصلصة الكتشب ثم حطيت الكفتة وعملت الفروماج شرائح من فوق ....وديال الطون نفس العمليةغير قبل مندهن بالكتشب خديت طريف دثومة حكيت بيه الخبز عادا باش دهنت بالكتشب ثم طون ثم الفروماج والصور كتوضح كل شيء
عملت آلة البانيني تسحن وحطيتهم فيها وسديت عليها لدقائق فقط مكاملة تى د 4 وهاهو واجد عندى
التزيين اختياري.انا اللى كان متوفر عندى زينت بيه وكلة وحدة وتفننها في التزيين
Published by fatimanor.over-blog.com
-
dans
مقبلآت وسندويتشآت
5 janvier 2011
3
05
/01
/janvier
/2011
01:14
في الاول كندير حبوب اتاي فالبراد
من بعد كنزيد شوية دالماء طايب القياس باش نشلل~ المهم كنشللو جوج مرات ومن بعد كنظيف الماء وشوية ديال العلك مدقوق راس معلقة ونديرو اطبخ على عافية مهيلة ببزاف ثم ننزلو ونضيف يا اما النعناع او الزعتر او الشيبة او السالمية او برددوش المهم اللي بغيتي ثم نزيد السكر والنتيجة هاهية
ضفت الشيبة بعدما غسلتها بالماء طايب مزيان باش تحيد منها المرورة
ونديرو يغلي على نار مهيلة بزاف
حتى كنزلو من فوق البوطة عادا باش كنزيد له السكر ونخليه واحد ربع ساعة يطلق مزيان باش يدير الرززززززة
حيآآآآكم آلله عندي ~
Published by fatimanor.over-blog.com
-
dans
مقبلآت وسندويتشآت
15 décembre 2010
3
15
/12
/décembre
/2010
17:19
مطيشة
خديتها قسمتها على نص وخويتها من زريعتها وحطيتها على جنب
خديت الشومبينيون خضر قطعته ودرته فمقلة مع شوية ديال الزبدة ومليحة ابزار بصيلة مشلظة رقيقة وشوية كمون وشوية دطحميرة وشوية معدنوس ديتو وجبتو حتى شفتو صافي دبال
عمرت بيه مطيشة والروز صلقته نصف سلقة فالماء مع دامة بنة دجاج وشوية ملح
صفيتو صوطيتو فالزبدة وابزار وشوية ده لجلبابنة وصافي وجد حطيته فطبسيل ودورت له مطيشة
والقطيبات خلاص راني غسلتهم مزيان مزيان بالحامض والملحة ورقدتهم فالدقيق فورص مع سكنجبير باش تمشي فيهم الزفورة ومع الفيلي ديال لاداند كتكون فيها واحد الحاجة بحال خنونة اعزكن الله
ايلا مغسلته مزيان متصفى خاطري ههههه وحتى الريحة متكووونش ديال الزفورة
شرملتهم فلاموطارد وملحة ابزار رببيع مقرد ملحة ومعلقة دمطيشة دالحك وشوية ديال شحمة محكوكة مزيان باش كدوب معهم فالطياب ومكيجيوكش ناشفين
التقديم
Published by fatimanor.over-blog.com
-
dans
مقبلآت وسندويتشآت