.
.
هاد لكلاص كنصايو قبل منكون ناوية نقدمو بيوم واحد حيث كيبغي يكون جامد مزيان وكيبغي الوقت مبين طبقة وطبقة فالوقت
مهم درت فيه نصف ليتر حليب وعلبة شانتيي غبرةو1دانون بالفاني وعلبة حليب نستلي محلى
فاش كيطلع لنا الشونتيي مزيان حتى كيوقف الباطور كنقسم الخليط على 3 كلة خليك باش كنسسمو
واحد نسمته بنسكافيه طلقت 2 معالق صغار فشوية ماء غير نقيطات والثاني نسمته بالشكلاط غبرة والثالث بالعشرية الوان
وفاش عملت الطبقة الازلى فالمول رشيت فوق منها باللوز ايفيلي
وكنديرو كلة طبقة فالفريكو حتى تجمد عادا باش نكب الخليط الثاني وحتى يجمد عادا بالثالث عادا بالرابع نفس المراحل هو كيشد الوقت ولكنى نتيجته روووووووووعة
ظفت الطبقة الرابعة بالفريز اختيارى انا عجبني والطعم خياااااااااال
وعلى فكرة راني عملته فالمول اللى كيتحل فالجنب باش فاش نبغي نسربيه يجيني ساهل بمجرد مكنحيدو من الفريكو نحلو فالجنب وضغية كيتقلع وتهزيه من القاع وتسربيه فالطبسيل
زينتو بالشكلاط شعرية الوان وورود تزيين الطورطات
نتمنى ينال دائقتكن