حريشات معمرين بكفتة لاداند

 السلام عليكم ورحمة الله تعالى وبركاته

نصف كيلو سيمدة رقيقة.نصف رابعة طحين القمح الاصفر (الاحرش فينو)شوية دالملح.راس اصبع خميرة فوريةدالخبز.1خميرة حمراءدالحلوى.1فاني.معلقة سكر سنيدة.3معالق كبار حليب غبرة (نيدو).كاس شاي زيت المائدة.ماء حسب العجينة تقريبن كاس كبير 

للحشوة نحتاج

نصف كيلو كفتة ديك رومي (داند).بصلة كبيرة مشلظة رقيقة.4دروس ثوم.ملح.ابزار.بابريكا.دويمة زعفران حر.سكنجبير.شوية زيت

    نصف مصيرةمحيدة البابة ومقطعة رقيق جدا.ملعقة كبيررة عصير حامض

كنخلطو جميع الموادالجافة ونضيف عليها الزيت  ونفتلو بادينا مزيان حتى تتشرب سميدة والمواد كلها الزيت وتنسجم جيدا

بعدها تنضيفو الماء دافئ شوية بشوية..حتى نحصلو على عجينة رخوة .نخليوها ترتاح واحد 10 دقائق كنلقاوها شربات شوية ونعاودو ندلكوها شوية ونشوفو واش خصنا نزيدو لها شوية دالماء من جديد باش فالاخير نحصلو على عجينة رطبة ومطلوقة..تنغطيوها ترتاح وفهاد الاثناء تنشحرو بصلة كبيرة مشلظة رقيق فمقلاة على النار مع معلقة كبيرة زيت ..نضيفو لها 4 دروس ثومة مشلظة رقيقة او معجونة .نحركو حتى تصبح لون البصلة شفافة مايلة للون الدهبي نضيفو نصف كيلو من كفتة لاداند( الديك الرومي) ثم كنضيفو 3معالق قزبور مقطع رقيق ونضيف دويمة دزعفران حر وملح وابزار وشوية بابريكا راس معلقة

وشوية دسكنجبير ونبداو نقليو فالكفتة حتى تتشرب مزيان وتنشف نضيفه عصرة حامض ما يعادل ملعقة كبيرة وشوية دمصير مقطع رقيق ونطفيو عليها ونخليوها جانبا حتى تبرد

نقرصو العجينة الى كويرات وندلكو كل كويرة كما هو مبين فصور الشرح

نعمرو بالحشوة نحكم الاغلاق ونقلبوهم فوق زيف مرشوش بسميدة رقيقة

نتمم العملية مع جميع الكورونحاولوندلكوهم شوية

نسخنو مقلاة وجدة الثقيلة ونطيبوهم من كلا الجهات 

تقدم الحريشات ساخنة او باردة وعليكم بالصحة والهنا