مساء - صبااااح الخيرات يا نواعم
هاذا الكعك المعروف بمدينة اسفي اسفي خصوصا وهو كيختلف على حسب النقش هاذا منقوش عادي كاين نقيش الشهدة ونقيش الوردة ونقيش السبولة ونقيش بالموس وهو قديم شوية وكاين الكعك بالبوق
بالنسبة للمقادير
كيلو دقيق ممتاز
1خمارة إديال
2 كيسان زيت
2 كيسان سنيدة
نصف كاس زبدة مدوبة
كاس ماء او اكثر يلا كان الطحين كيشرب
شوية الزنجلان والنافع تقريبن 50 جرام هكاك
خمارة فاني او ليمونة محكوكة للتنسيم
عجنيه بالعجانة ايلا عندك او بايدك وخليه يرتاح شوية وايلا عندك ماكينة الكفتة بالبوق عاودي خرجيه منه منها كيتعجن وينساجمو القوامزيااان
ومن بعد كدوزيه فالبوق باش اخرج لك حنووشة وبقاى شكليهم كعاكع ونقشي على خاطر خاطرك
انا معنديش مكينة البوق كتفيت بايدي العجين عجنته بالعجانة
اليكن الصور واى استفسار انا حااضرة