آلشوآء مرافق بالخضر وآلروز

.

خديت البرمة درت فيها واحد 4 ليتر دالماء حيث كبيرة ودرت فداك الماء قعقلة وطرونش من البصلة باش متحكالش البرمة وفنفس الوقت كتنكه اللحم وتحت من اللحم فالكسكاس فاش شرملته مزيان بالقوام اللى صورت
دامة بنة زاعفران حر وزاعفران حروزاعفران عرق وملحة شوية وابزار وسكنجبير خلطتهم مع شوية دالماء ودهنت بيهم اللحم كلو مزيان وحطيت البصلة مكورة بلا منقطعها تحت من اللحم باش اعطيه نكهة ومنها باش نديكوري بيهم وفنفس الوقت تكال حيث كتجى فتية كدوب فالفم والمعدنوس بالزايد وكنغطي فوق من الكسكاس بميكة ديال اللحم بيضاء ونقفلها بالقفال ونحط عليها شيء غطاء باش ميخرج النفس وطيب اللحم وفاش كطيب كنخليها حتى تبرد وننزلها فطاوة مفرشة بابيي المنيوم ومدهونة بالزبدة وندهن اللحم مزيان حتى هو بالزبدة وكنحمرو فالفران

الصور غنية عن التوضيح واي استفسار انا في الخدمة اخواتي
















رافقته مع الخضر المتوفرة عندي مبخرة وسوطيتها فمقلة مع زبدة وملحة وابزار وشوية ددامة البنة ومعدنوس والروز نفس الشيء صلقته وسوطيته حتى هو بنفس المقادير والتزيين
كاشير وافوكا وزيتون اخضر واسود والفروماج









اللهم ادمها نعمة واحفظها من الزوال

Comments

[nasiri ilham]

الله يعطيك الصحة

[fatima nor]

آلله يجآزيك كل خير ختي

[latifa]

السلام عليكم
تبارك الله عليك اختي فاطمة كلشي غزال وصفات كتشهي الله يعطيك الصحة و تسلم الايادي

[fatimanor.over-blog.com]

آلله يسلمك ويحفظك لية آختي آلعزيزة لطيفة ~نورتيني آختي وشرفتيني