الفقآص حلو ومآلح

.


هدا الفقاص المالح .


وهاهو الفقاص حلو

وهاهومة بجوج


 المقادير..

الفقاص الحلو درت فيه:

زلافة متوسطة مخلطة فيها زبدة ونص زيت+زلافة متوسطة سنيدة+زلافة بيض وجهد 5 بيضات كتجي+2خمارات+ درهم دالنافع+درهم حبة حلاوة+ 2معالق كبار جنجلان+10دراهم لوز قطعته بالموس افيلي هكداك بقشرته+ملحة+دقيق حسب الخليط+وكأس العنبة ماء الزهر+2خمارات حمر ومن الأحسن خميرة إديال.
كتخلطي العجينة ومن الأحسن تكون رطربة.قسميها لكورات صغار وكلة كورة دلكيها على شكل بتي بانة صغيرة باش يسهال عليك التحكم فيها عند التقطاع.دهنته بصفر البيض مطرب مع نقطة خل وشوية نسكافيه وشرطتو بالفورشيطة ودخلته تى طاب نص طيبة .حسيته نشف من الفوق ويبس شوية .خرجتهوم وديريكت عملتهم في زيف ولويتهم في ميكة باش ارطابو.وبديت كنقطعو بمووس رقيق ماضي والحمد لله مكيتهرس لي فيه والوو..ورديه من بعد للفرا تى ياخد اللوين الدهبي وبصحتك وراحتك.

الفقاص المالح :

درت كيلو لاروب طحين فورص ممتاز+عاشق كبيرة فلفلة حمراء حلوة (طحميرة)+ ملعقة

هريسةصغيرة

100 جرام فروماج احمر محكوك

الهريسة ( للى تيبغي الحرور تيجي حار شوية ) +2فرماجات+g +شوية1 خميرة العجينة غي رويس صغير+1خمارة حمراء+شوية معدنوس+مليحة درت تقريبن نص معلقة صغيرة+معلقة كبيرة لاموطارد+ زلافة صغيرة الزيت+ شوية الزبدة غي 50 gهكداك+ ماء دافئ باش نعجنو.
الطريقة سهلة..كتجمعي عجينتك بقياسها من الماء وكرصيها مزيان وقطعيها قريصات صغاار قد الكركاعة.ولويهم على شكل حنووشة رقاق تقريبن بحال قياس اللوبياء خضراء حيتاش فيه الخميرة كيتنفخو شوية .ديهم يطيبو فالفران نص طيبة وخرجيهم وقطعيهم بالمووس رقيق ماضي على شكل فقاص صغير وحاولى تجنبي تقطيعة الموس باش اعطيو منظر هائل في الطبيسيل .ورديهم للفران صافي كتشوفيهم يبسوو متحمريهومش حيتاش غيتحرقو ..

Comments

[وصفات حلويات]

merci bcp pour cette recipe

[fatimanorcuisine.over-blog.com]

العفو حبيبة مرحبا بيك