السلام عليكم ورحمة الله تعالى وبركاته
المقادير
كاس عنبة زيت ما يعادل 160 جراما..كاس عنبة ما يعادل 160 جراما سكر سنيدة.بنفس الكاس نعبركاس حليب.3بيضات.2خمارات حمرين مايعادل ملعقة صغيرة بيكنج باودر.نقطتين من روح الفانيلا.قبصة ملح.3كيسان عنبة ما يعادل 400 جرام الدقيق خاص بالحلويات ومن النوع الفاخر
قشرة برتقالة محكوكة رقيقة.عصير برتقالتين لسقي البسبوسة
الطريقة
نخلط البيض والزيت والسكر والملح والفانيلاوالحليب فطراب كهرباائي كاي طريقة كنديرو باش نصايبو الكيك
بعدما تنساجم جميع العناصر كنضيفو الدقيق وقشرة البرتقال والخميرة ونطريو بالطراب اليدوي ونديرو الالة الخاصة تسخن ونعمرو كلة بلاصة حتى للثلث ونسدو عليها بالاغلب 4 دقائق تتحمر
الطريقة موضحة فالصور واي توضيح انا حاضرة
الحمد لله الدي بنعمه تتم الصالحات