السفوف .سلو .بقوام جد صحي

سلو على طريقتي الخاصة..كيجي لذيذ وصحي بزاف تبارك الرحمن

المقآدير

كيلو دكآوكآو

نصف كيلو صوجآ

نصف كيلو إيلآن

نصف كيلو كركآع

كيلو وربع زنجلان 

كيلو لوز

150gنافع

150gحبة حلاوة

400g زريعة الكتان

كيلو عسل حر

سكر كلاصي على حسب الدوق

بكية صغيرةكاوبيل

كيلو زبدة

ليترو زيت نوارالشمس اوزيت الذرة

شوية دمسكة حرة مدقوقة

1كوزة محمرة ومدقوقة مزيان

2كيلو طحين ممتاز

الطريقة

الزنجلان كنقيوه كنحمروه ونعزلو منه جهد زلافة كبيرة صااين ممطحونش..

.الصوجا كنمسحوها مزيان ونحمروها شوية ونديوها للعطار يطحنها لنا مزيان باش تنيل

إيلان كدلك كيتنقى ويتحمر ويتطحن

اللوز كنمسحو بزيف مزيان وكنحمرو فالزيت بقشرته ونطحنوه

كاوكاو كنقيه ونمسحو مزيان ونحمروونزول ليه القشرة ديال

الكركاع كنمسحو مزيان ونحمرو ونخليه يبرد ونحكو شوية بين ايديا باش نزول له القشرة شوية

النافع وزريعة الكتان وحبة حلاوة كنقيوهم ونحمروهم ونطحنوهم

الزبدة كندوبوها وندخلوها اللثاجة حتى تبرد ونعملو ثقب بواسطة اصبعنا ونزولو منها الفائض ديال اللبن تقريبن كاس اللى كيخرج لينا فكيلو وهدا هو اللى تيخلي مداق الغمولية فالسفوف من بعد مدة

ملاحظة

اللوز وكاوكاو وزنجلان والكركاع منطحنوهومش بزااااف حتى يتنيلو..لا كنخليهم شوية مطحونين ولكن كتحسي بيهم فالسفوف يعني مطحونين مي ماشي بزاف

كنجمعو النواشف كلها من بعدما دوزناها كلها فبوصيار الغربال دكسكسو..ثم كنظيفو العسل والزبدة والزيت وزنجلان صاين اللى عزلنا من الاول واحنا كندلكو بايدنا حتى كيتجمع وعادا باش نزيدو سكر على حسب الدوق.حيث العسل حلو فمكنسبقوشي كنخليه حتى الاخييير حيث كاين اللى معزيزاش عليه الحلاوة بزاف 

فالاخير كنعملوه فشيء طاسة وهاهو جاهز 

اللى غنسربي مقطع كنزيد له زبدة واللى غنقدم فطبسيل كنخليه على قوامه يعني مكنحتاجوش نزيدو له زبدة باش يتعلك بزاف

الحمد لله الدي بنعمه تتم آلصآلحآـت